Եթե Ռուսաստանը պատրաստ չէ պատերազմը դադարեցնելու համաձայնագիր կնքել, ապա Միացյալ Նահանգները լիովին պատրաստ է մաքսատուրքերի ուժեղ փաթեթ սահմանել, որը, կարծում եմ, արագ կդադարեցնի արյունահեղությունը, – ՄԱԿ-ի Գլխավոր ասամբլեայի 80-րդ նստաշրջանում ասել է ԱՄՆ նախագահ Դոնալդ Թրամփը։

Ըստ Թրամփի, որպեսզի մաքսատուրքերը արդյունավետ լինեն, եվրոպական երկրները պետք է միանան նմանատիպ միջոցառումների։

«Չինաստանն ու Հնդկաստանը ներկայիս պատերազմի անմիջական ֆինանսավորողներն են, քանի որ նրանք շարունակում են գնել ռուսական նավթ, ինչը աններելի է։ ՆԱՏՕ-ի երկրները նույնպես չեն դադարեցրել ռուսական նավթի և ռուսական նավթամթերքի մեծ մասի գնումը։ Ես սա լսեցի երկու շաբաթ առաջ և ուրախ չէի։ Մտածեք այդ մասին։ Նրանք ֆինանսավորում են իրենց դեմ պատերազմը։ Ո՞վ է երբևէ լսել նման բանի մասին։ Եթե Ռուսաստանը պատրաստ չէ համաձայնության գալ պատերազմը դադարեցնելու համար, ապա Միացյալ Նահանգները լիովին պատրաստ է սահմանել շատ ուժեղ սակագների փաթեթ, որը, կարծում եմ, շատ արագ կդադարեցնի արյունահեղությունը։ Այնուամենայնիվ, որպեսզի այս սակագները արդյունավետ լինեն, եվրոպական երկրները, դուք բոլորդ, ովքեր հիմա այստեղ եք, պետք է միանաք մեզ՝ նմանատիպ միջոցներ ձեռնարկելու համար։ Դուք ավելի մոտ եք, մեզ բաժանում է օվկիանոս։ Դուք այնտեղ եք, և Եվրոպան պետք է ավելի ակտիվ լինի։ Նրանք չպետք է անեն այն, ինչ անում են։ Նրանք նավթ և գազ են գնում Ռուսաստանից և միևնույն ժամանակ պայքարում Ռուսաստանի դեմ։ Սա նրանց համար ամոթալի է։ Նրանք պետք է անհապաղ «դադարեցնեն Ռուսաստանից էներգետիկ ռեսուրսների գնումը, հակառակ դեպքում մենք բոլորս շատ ժամանակ ենք վատնում», – ասաց Դոնալդ Թրամփը։