ԱՄՆ նախագահ Դոնալդ Թրամփը «Խաղաղության խորհրդի» նիստում Հունգարիայի վարչապետ Վիկտոր Օրբանին լիակատար աջակցություն է հայտնել առաջիկա ընտրություններում։

Ինչպես նշել է Թրամփը, եվրոպացիներին այդ աջակցությունը դուր չի գալիս։

«Հունգարիայի վարչապետ Օրբանն ընտրություններում ունի իմ լիակատար աջակցությունը։ Եվրոպայում ոչ բոլորին է դուր գալիս այս աջակցությունը, բայց դա նորմալ է։ Նա անհավանական աշխատանք է կատարում։ Նա անհավանական աշխատանք է տարել միգրացիայի հարցում՝ ի տարբերություն որոշ երկրների, որոնք վնաս հասցրեցին իրենք իրենց։ Ցանկանում եմ տեղեկացնել ձեզ, որ դուք ունեք իմ լիակատար աջակցությունը, և ես դա հայտարարում եմ հրապարակավ։ Ես դա արել եմ նախկինում և նորից եմ անում՝ ընտրությունների մոտենալուն զուգընթաց։ Կարծում եմ, որ ամեն ինչ լավ կլինի ձեզ մոտ», — հայտարարել է Դոնալդ Թրամփը և շնորհակալություն հայտնել Վիկտոր Օրբանին խորհրդի առաջին նիստին ներկա գտնվելու համար։