Դոնալդ Թրամփ. Սի Ծինփինը շատ երջանիկ է, որ Հորմուզի նեղուցը բացվել է, անհամբերությամբ սպասում եմ նրա հետ հանդիպմանը, այն հավանաբար պատմական կլինի, շատ բանի կհասնենք
ԱՄՆ նախագահ Դոնալդ Թրամփը հայտարարում է, որ Չինաստանի նախագահ Սի Ծինփինը շատ երջանիկ է Հորմուզի նեղուցի բացմամբ։
Նրա խոսքով՝ ինքը անհամբերությամբ սպասում է մայիսին Չինաստան նախատեսված պաշտոնական այցին։
«Նախագահ Սի Ծինփինը շատ երջանիկ է, որ Հորմուզի նեղուցը բացվել է և/կամ արագորեն բացվում է։ Մեր հանդիպումը Չինաստանում կլինի առանձնահատուկ և, հավանաբար, պատմական։ Անհամբերությամբ սպասում եմ նախագահ Սի Ծինփինի հետ հանդիպմանը, շատ բան ձեռք կբերվի»,- գրել է Թրամփը։
Ինչպես հայտնի է, Դոնալդ Թրամփը Պեկին պաշտոնական այցով կժամանի մայիսի 14-15-ը։ ԱՄՆ նախագահը Չինաստան պետք է մեկներ ապրիլին, սակայն այցը հետաձգվել էր Իրանի դեմ ԱՄՆ-ի և Իսրայելի պատերազմի պատճառով։