Դոնալդ Թրամփ – Պուտինի համար դժվար պատերազմ է, նա շատ զինվորներ կորցրեց, գուցե մեկ միլիոն, դժվար է նաև Ուկրաինայի համար, դժվար է երկուսի համար էլ, երբեմն պետք է թույլ տալ, որ նրանք կռվեն
ԱՄՆ նախագահ Դոնալդ Թրամփն ասաց, որ չկա «վերջին կաթիլ», որը կապացուցի իրեն, որ Ռուսաստանի նախագահ Վլադիմիր Պուտինը պատրաստ չէ դադարեցնել պատերազմը Ուկրաինայում։
Երբ հարցրին, թե որն է այն վերջին կաթիլը, որը հստակ կցույց տա, որ Պուտինը պատրաստ չէ դադարեցնել պատերազմը, Թրամփը պատասխանեց, որ չկա։
«Վերջին կաթիլ չկա։ Երբեմն պետք է թույլ տալ, որ նրանք կռվեն, և նրանք կռվում են ու կռվում։ Սա դժվար պատերազմ է Պուտինի համար։ Նա շատ զինվորներ կորցրեց, գուցե մեկ միլիոն։ Սրանք շատ զինվորներ են։ Դժվար է նաև Ուկրաինայի համար։ Դժվար է երկուսի համար էլ։ Երբեմն պետք է թույլ տալ, որ նրանք կռվեն», – ասաց Թրամփը։