Դոնալդ Թրամփ. Մեքսիկայի նախագահը համաձայնել է դադարեցնել միգրացիան դեպի ԱՄՆ իր երկրի միջոցով՝ փաստացիորեն փակելով մեր հարավային սահմանը
ԱՄՆ-ի ընտրված նախագահ Դոնալդ Թրամփը հեռախոսազրույց է ունեցել Մեքսիկայի նախագահ Կլաուդիա Շայբաումի հետ։
Ինչպես գրել է Թրամփը սոցցանցում, Կլաուդիա Շայբաումը համաձայնել է փակել հարավային սահմանը։
«Համաձայնվել ենք դադարեցնել միգրացիան դեպի ԱՄՆ Մեքսիկայով և արդյունավետորեն փակել մեր հարավային սահմանը»,- գրել է Թրամփը։
Շուտով նրան արձագանքեց Մեքսիկայի նախագահը, ով նշեց, որ Մեքսիկայի դիրքորոշումը ոչ թե սահմանները փակելն է, այլ միգրացիայի խնդիրը լուծելը՝ պաշտպանելով մարդկանց իրավունքները։
Շայբաումը սոցցանցում գրել է նաեւ, որ հրաշալի զրույց է ունեցել Թրամփի հետ։
«Մենք քննարկել ենք Մեքսիկայի ռազմավարությունը միգրացիայի երևույթի հետ կապված»,- գրել է Մեքսիկայի նախագահը` նշելով, որ հյուսիսային սահմանին միգրանտների հոսք չկա, քանի որ նրանց մասին «հոգ են տանում» Մեքսիկայում։