ԱՄՆ նախագահ Դոնալդ Թրամփն ասում է, որ ԱՄՆ-ն «լուրջ բանակցություններ» է վարում Իսրայելի և Համասի հետ՝ Գազայում պատերազմը դադարեցնելու համար։

Թրամփն այս հայտարարությունն արել է Սպիտակ տանը Կանադայի վարչապետ Մարկ Քարնիի հետ հանդիպման ժամանակ։

Նրա խոսքով՝ ԱՄՆ թիմը կանի ամեն ինչ՝ Գազայում պատերազմը հնարավորինս շուտ դադարեցնելու համար։

«Կարծում եմ՝ Մերձավոր Արևելքում խաղաղության հնարավորություն կա։ Մեր թիմն այժմ այնտեղ է։ Աշխարհի յուրաքանչյուր երկիր աջակցել է այս ծրագրին։ Կա իրական հնարավորություն, որ մենք կարողանանք ինչ-որ բան անել», – ասել է Թրամփը։

Հանդիպման ընթացքում Մարկ Քարնին ասել է, որ Կանադան աջակցում է Թրամփի խաղաղության ջանքերին։

Տեղեկատվության համար՝ Շարմ էլ Շեյխում շարունակվում են բանակցությունները Գազայում պատերազմի ավարտի վերաբերյալ։ ԱՄՆ նախագահի հատուկ ներկայացուցիչ Սթիվ Ուիթքոֆը նույնպես Եգիպտոսում է։ Հանդիպումները նպատակ ունեն մշակել ԱՄՆ նախագահ Դոնալդ Թրամփի կողմից առաջարկված խաղաղության ծրագիր։ Եգիպտացի և կատարցի միջնորդները հանդես են գալիս որպես միջնորդներ։ Նրանք առանձին հանդիպումներ են անցկացնում Իսրայելի և Համասի պատվիրակությունների հետ։

ԱՄՆ նախագահ Դոնալդ Թրամփը սեպտեմբերի 29-ին Իսրայելի վարչապետին ներկայացրեց 20 կետից բաղկացած խաղաղության ծրագիր։ Համասը մի քանի օր անց ընդունեց այն։