Խարդախ «լրագրությունը» չպետք է պարգևատրվի, այն պետք է դադարեցվի,- այս մասին գրում է ԱՄՆ նախագահ Դոնալդ Թրամփը սոցիալական ցանցերում։

Ըստ նրա՝ որոշ հեռուստաընկերությունների «լիցենզիաները պետք է չեղյալ հայտարարվեն հանրապետականների և/կամ պահպանողականների անարդար լուսաբանման համար»։

«Ինչո՞ւ ABC-ն և NBC FAKE NEWS-ը՝ աշխարհի երկու ամենավատ և ամենակողմնակալ հեռուստաալիքները, տարեկան միլիոնավոր դոլարներ չեն վճարում իրենց լիցենզիաների համար։ Նրանց լիցենզիաները պետք է չեղյալ հայտարարվեն հանրապետականների և/կամ պահպանողականների անարդար լուսաբանման համար, բայց առնվազն նրանք պետք է շատ գումար վճարեն ամենաարժեքավոր եթերային ալիքներն օգտագործելու արտոնության համար՝ ցանկացած վայրում, ցանկացած ժամանակ։ Խարդախ «լրագրությունը» չպետք է պարգևատրվի, այն պետք է դադարեցվի», – գրում է Դոնալդ Թրամփը։