Գերմանիայի կանցլերը պետք է ավելի շատ ժամանակ հատկացնի իր քանդված երկրի վերականգնմանը, գրել է ԱՄՆ նախագահ Դոնալդ Թրամփը սոցիալական ցանցերում։

Ինչպես գրել է Թրամփը, Ֆրիդրիխ Մերցը անարդյունավետ էր Ուկրաինայում պատերազմը դադարեցնելու հարցում։

«Գերմանիայի կանցլերը պետք է ավելի շատ ժամանակ հատկացնի Ռուսաստան-Ուկրաինա պատերազմը դադարեցնելուն (որտեղ նա լիովին անարդյունավետ էր), իր քանդված երկիրը վերականգնելուն, հատկապես ներգաղթի և էներգետիկ հարցերում։ Նա պետք է ավելի քիչ ժամանակ հատկացնի նրանց գործերին միջամտելուն, ովքեր փորձում են վերացնել իրանական միջուկային սպառնալիքը, որպեսզի աշխարհը, այդ թվում՝ Գերմանիան, ավելի անվտանգ վայր դառնա», – գրել է Դոնալդ Թրամփը։

Ձեր տեղեկության համար, ԱՄՆ նախագահ Դոնալդ Թրամփը մի քանի օր առաջ հայտարարություն է արել Ֆրիդրիխ Մերցի վերաբերյալ՝ նշելով. «Ֆրիդրիխ Մերցը կարծում է, որ նորմալ է, որ Իրանը միջուկային զենք ունի։ Նա չգիտի, թե ինչի մասին է խոսում։ Զարմանալի չէ, որ Գերմանիան այդքան վատ է գործում»։