Դոնալդ Թրամփ. Բանակցությունները շատ լավ են ընթանում, բայց Իրանի հետ երբեք չգիտես, թե ինչ կպատահի, մենք խոսում ենք, իսկ հետո միշտ ստիպված ենք ռմբակոծել նրանց
ԱՄՆ նախագահ Դոնալդ Թրամփն ասել է, որ Իրանի հետ բանակցությունները լավ են ընթանում։
«Իրանի հետ բանակցությունները այսօր շատ լավ են ընթացել, մենք շատ բաներ ստացանք, որոնք պետք է մեզ տրվեին վաղուց։ Կտեսնենք, թե ինչ կպատահի, բայց ամեն ինչ լավ է ընթանում», – ասել է Դոնալդ Թրամփը։
ԱՄՆ նախագահի խոսքով՝ որպես հարգանքի նշան, Իրանը թույլ է տվել նավթով բեռնված 20 նավ անցնել Հորմուզի նեղուցով։
«Չորս օր առաջ ես հիշատակեցի նվերի մասին. ասացի, որ ինձ ինչ-որ բան են տվել, բայց չկարծեցի, որ անհրաժեշտ է բացահայտել, թե ինչ։ Դա նավթով բեռնված 10 հսկայական նավ էր։ Եվ այսօր նրանք մեզ ևս մեկ նվեր տվեցին. նավթով բեռնված 20 նավ, որոնց մեկնարկը սկսվում է վաղը», – ասել է Թրամփը։
Միևնույն ժամանակ, Դոնալդ Թրամփը շեշտել է Իրանի միջուկային ծրագիրը զսպելու համար համաձայնության հասնելու անհրաժեշտությունը, բայց նշել է, որ Թեհրանը միշտ չէ, որ հուսալի կողմ է։
«Բանակցությունները շատ լավ են ընթանում, բայց երբեք չգիտես, թե ինչ է լինելու Իրանի հետ։ Մենք խոսում ենք նրանց հետ, և հետո միշտ ստիպված ենք լինում ռմբակոծել նրանց», – ասաց Թրամփը։