ԱՄՆ-ն Իրանում հարվածել է ավելի քան 7000 թիրախի և ոչնչացրել 100 նավ, ասել է Դոնալդ Թրամփը Թրամփ-Քենեդի կենտրոնի խորհրդի անդամների հետ հանդիպման ժամանակ։

Նա ասել է, որ ԱՄՆ ռազմական արշավը շարունակվել է ամբողջ ուժով վերջին մի քանի օրերի ընթացքում։

«Նրանք գործնականում ոչնչացվել են, ռազմաօդային ուժերը վերացել են, նավատորմը վերացել է, շատ նավեր խորտակվել են։ Նրանց ռադարը վերացել է, և նրանց ղեկավարները վերացել են։ Իրանական անօդաչու թռչող սարքերի թռիչքների թիվը հարևանների ուղղությամբ զգալիորեն նվազել է, ինչպես նաև արդյունաբերական օբյեկտների և ռազմածովային թիրախների շարունակական թիրախավորումը», – ասել է Թրամփը։

Նա ասել է, որ ԱՄՆ-ն ոչնչացրել է ավելի քան 30 իրանական ականազերծող նավ, և որ Իրանի անօդաչու թռչող սարքերի հնարավորությունները այժմ «մոտ են զրոյի»։

Թրամփը նաև նշել է, որ ԱՄՆ-ն և Իսրայելը «անում են այն, ինչ պետք է արվեր տարիներ առաջ»։

Ըստ ԱՄՆ նախագահի՝ ԱՄՆ-ն «զսպում» է Իրանի կարողությունը սպառնալ Հորմուզի նեղուցում առևտրային նավագնացությանը։

Սպիտակ տան ղեկավարը նաև մեկնաբանոթյուն է արել այն երկրների մասին, որոնք հրաժարվել են ԱՄՆ օգնությունից։

«Նրանք ասացին, որ մենք չենք ուզում միջամտել։ Ես գիտեմ, որ մենք կպաշտպանենք նրանց, և եթե երբևէ օգնության կարիք ունենանք, նրանք մեզ հետ չեն լինի», – ասաց նա։