Դոնալդ Թրամփ՝ Իրանի ղեկավարությունը չափազանց երկերեսանի է. նրանք հանդիպում են խնդրում, իսկ հետո հայտարարում, որ ոչ մի բանակցություն տեղի չի ունենում։ Իրանը երբեք միջուկային զենք չի ունենա
Դոնալդ Թրամփը քննադատել է Իրանի ղեկավարությանը՝ ասելով, որ Թեհրանը տարածում է «կեղծ տեղեկատվություն» Միացյալ Նահանգների հետ բանակցությունների մասին։
Սոցիալական ցանցերում հրապարակված հայտարարության մեջ Թրամփը Իրանի ղեկավարներին անվանել է «երկերեսանի»՝ նշելով, որ Թեհրանն ինքն է խնդրել հանդիպում։
«Իրանի ղեկավարությունը աներևակայելիորեն երկերեսանի է։ Նրանք խնդրում են հանդիպում, ոմանք կասեն, որ «աղաչում են մեզ»։ Սկսվում են բանակցությունները, որոնց մասին նախատեսվում է ավելի շատ բան մոտ ապագայում, և նրանք բացահայտ և հպարտորեն հայտարարում են, որ բանակցություններ չկան, որ ոչնչի մասին չեն խոսում և որ գործ ունեն միայն «Օմանի» հետ։ Այնուհետև նրանք վերադառնում են իրենց սովորական խոսակցությանը և պնդում, որ իրենք ուժով են կառավարում Հորմուզի նեղուցը, մինչդեռ այն արդեն ամբողջությամբ վերահսկվում է Միացյալ Նահանգների ռազմածովային ուժերի և մեր «շրջափակման» կողմից, որը ոմանք անվանում են «Միացյալ Նահանգների պողպատե պատ»։ «Ոչինչ չի կարող մտնել Իրան, եթե մենք չցանկանանք, և ոչինչ չի կարող դուրս գալ, մինչև գործարք կամ լիակատար հանձնում չլինի։ Անկախ նրանից, թե Իրանը ուզում է դա ընդունել, թե ոչ, մենք իրականում խոսում ենք տասնամյակներ շարունակ նրանց կողմից ստեղծված խնդրի լուծման մասին»։ «Ամեն ինչ շատ պարզ է՝ Իրանը երբեք միջուկային զենք չի ունենա», – գրել է Թրամփը։
Տեղեկատվության համար նշենք, որ Դոնալդ Թրամփը նախկինում հայտարարել էր, որ Իրանի հետ բանակցությունները կվերսկսվեն այսօր, չնայած Իրանը հերքել էր այս տեղեկատվությունը։