Դմիտրի Պեսկովը հայտնել է, որ Սի Ցզինպինը Մոսկվա կժամանի մայիսի 9-ին, սակայն Նարենդրա Մոդին չի մասնակցի արարողություններին
Ռուսաստանի նախագահ Վլադիմիր Պուտինի մամուլի խոսնակ Դմիտրի Պեսկովը հայտարարել է, որ Չինաստանի նախագահ Սի Ցզինպինը մայիսի 9-ին կայցելի Մոսկվա, սակայն Հնդկաստանի վարչապետ Նարենդրա Մոդին չի մասնակցի արարողություններին։
«Մենք սպասում ենք Չինաստանի առաջնորդին։ Հնարավոր է՝ Սի Ցզինպինի առանձին այց, որին մենք մեծ նշանակություն ենք տալիս և պատրաստվում ենք», – նշեց մամուլի քարտուղարը։
Պեսկովը նաև հայտնել է, որ Հնդկաստանի վարչապետ Նարենդրա Մոդին մայիսի 9-ին Մոսկվա չի ժամանի, չնայած Հնդկաստանը ներկայացված կլինի ամենաբարձր մակարդակով արարողակարգային միջոցառումներին։
«Տարբեր տարածաշրջանների շատ զգալի թվով պետությունների և կառավարությունների ղեկավարներ կլինեն նախագահ Պուտինի հետ արարողակարգային օրերին։ Սա, իհարկե, ցույց է տալիս, որ Ռուսաստանն իսկապես ունի ոչ միայն դաշնակիցներ, այլև երկրներ, որոնք հոգով մոտ են մեր գաղափարախոսությանը», – ասել է Պեսկովը։