Դմիտրի Պեսկով. Ուկրաինան վերջին ամիսներին իր գործողությունների համար գին կվճարի
Ուկրաինան վերջին ամիսներին իր գործողությունների համար գին կվճարի, – այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ Նրա խոսքով՝ Կիևն արդեն առերեսվում է հետևանքներին։
«Անշուշտ, նախագահն այդ մասին նույնպես խոսել է։ Ուկրաինան ստիպված կլինի գին վճարել վերջին ամիսներին իրականացրած գործողությունների համար։ Հենց դա է տեղի ունենում հիմա։ Մեր զինված ուժերը շարունակում են հատուկ ռազմական գործողությունը, շատ հետևողականորեն հարվածում են այն թիրախներին, որոնք նպատակահարմար են համարում», – հայտարարել է Կրեմլի ներկայացուցիչը։
Պեսկովը պատասխանել է հարցին, թե արդյոք Ռուսաստանի նախագահի՝ անցյալ ուրբաթ արված հայտարարությունները նշանակում են բանակցությունների վերսկսման վերաբերյալ Ռուսաստանի պատրաստակամության շարունակություն։ Կրեմլի մամուլի խոսնակը նշել է, որ Ռուսաստանի ազգային շահերը լավ հայտնի են։
«Մենք պետք է ապահովենք մեր անվտանգությունը։ Մենք պետք է ապահովենք, որ ոչ ոքի մոտ գայթակղություն չառաջանա քառասուն օրվա ընթացքում Ռուսաստանին կործանարար հարված հասցնելու ծրագրերի մասին հայտարարելու, ինչպես դա, օրինակ, հայտարարեց Կիևը։ Սրանք ճշգրիտ Ռուսաստանի Դաշնության ազգային շահերն են», – նշել է Պեսկովը։