Կրեմլի խոսնակ Դմիտրի Պեսկովի հայտարարությամբ՝ Ուկրաինայի զինված ուժերը պետք է լքեն Դոնբասի ողջ տարածքը։

«Ռուսաստանի դիրքորոշումը հստակ հայտնի է. Ուկրաինան և Ուկրաինայի զինված ուժերը պետք է դուրս բերվեն Դոնբասի տարածքից։ Դա շատ կարևոր պայման է», – ասել է Պեսկովը։

Նա նաև անդրադարձել է Ռուսաստանի նախագահի՝ Վլադիմիր Պուտինի հայտարարությանը, համաձայն որի՝ Ռուսաստանը կարող է ԱՄՆ-ում սառեցված ռուսական ակտիվներից մեկ միլիարդ դոլար փոխանցել «Խաղաղության խորհրդին»։

«ԱՄՆ-ում սառեցված միջոցների վերաբերյալ՝ չնայած չեմ բացահայտի կոնկրետ գումարը, բայց կարող եմ ասել, որ դա մի փոքր պակաս է հինգ միլիարդ դոլարից։ Ի դեպ, այս թեման երեկ քննարկվել է նաև Պուտինի և Մահմուդ Աբասի բանակցությունների ժամանակ։ Ինչ վերաբերում է մնացած գումարներին, որոնք ես արդեն նշեցի, Պուտինը նաև ասել է, որ դրանք կարող են օգտագործվել մարտական գործողությունների հետևանքով վնասված տարածքների վերականգնման համար։ Այս առումով կարող եմ նշել միայն մեկ բան՝ Դոնբասի տարածքները իսկապես լուրջ վնասներ են կրել պատերազմական գործողությունների ընթացքում», – ասել է Պեսկովը։