Դմիտրի Պեսկով. Վլադիմիր Պուտինի և Դոնալդ Թրամփի հնարավոր հանդիպումը կախված է պետությունների ղեկավարների անձնական պայմանավորվածություններից
ԱՄՆ-ի և Ռուսաստանի նախագահների միջև հեռախոսազրույցը տեղի կունենա Ռուսաստանի ժամանակով ժամը 17:00-ին (ԱՄՆ ժամանակով ժամը 10:00-ին): Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Պեսկովի խոսքով՝ Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի հնարավոր հանդիպումը կախված է պետությունների ղեկավարների միջև անձնական պայմանավորվածություններից։
«Սա մեծապես կախված կլինի նրանից, թե ինչ կորոշեն նրանք։ Որոշումը կկայացնեն երկու նախագահները։ Հանդիպումը, իհարկե, պետք է մշակվի, բայց նրանց կողմից նշանակված ամսաթվերի հիման վրա», – նշել է Կրեմլի խոսնակը։
Դմիտրի Պեսկովի խոսքով՝ Ռուսաստանը բարձր է գնահատում ԱՄՆ-ի միջնորդական ջանքերը Ուկրաինայում և շնորհակալ է Վաշինգտոնին։