Դմիտրի Պեսկով. Պուտինը և Փաշինյանը հնարավորություն կունենան քննարկելու հանրաքվեի հարցը
Վլադիմիր Պուտինը և Նիկոլ Փաշինյանը հնարավորություն կունենան քննարկելու հանրաքվեի հարցը, հայտարարել է Ռուսաստանի նախագահի մամուլի խոսնակ Դմիտրի Պեսկովը։
«Պետությունների ղեկավարները հնարավորություն կունենան կրկին քննարկելու մեր ներկայիս երկկողմ հարաբերությունների հիմնական հարցը բոլոր տեսանկյուններից։ Այս հարցը, ի վերջո, վերաբերում է զարգացման ուղղության ընտրությանը, Հայաստանի կողմնորոշմանը և համապատասխան հանրաքվեի անցկացմանը», – ասել է Պեսկովը։
Կրեմլի խոսնակի խոսքով՝ Հայաստանի վարչապետ Նիկոլ Փաշինյանի այցը Մոսկվա կկայանա շուտով, և ճշգրիտ ամսաթվերը կհամաձայնեցվեն դիվանագիտական ուղիներով։