Դմիտրի Պեսկով. Էստոնիայի իշխանությունների մեղադրանքները, թե ռուսական կործանիչները խախտել են իրենց օդային տարածքը, բացարձակապես անհիմն են
Լիովին անհիմն են Էստոնիայի իշխանությունների մեղադրանքները, թե իբր ռուսական կործանիչները խախտել են նրանց օդային տարածքը, – այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Պեսկովի խոսքով՝ Մոսկվան Էստոնիայից չի լսել, որ նրանք ունեն ապացույցներ իրենց մեղադրանքի հաստատման համար։
Բացի այդ, ինչպես նշել է ՌԴ նախագահի մամուլի քարտուղարը, ռուս օդաչուները միշտ գործում են միջազգային իրավունքի համաձայն։
«Մեր պաշտպանության նախարարությունը կտրականապես հերքել է այս մեղադրանքները։ Մենք նման հայտարարությունները համարում ենք անհիմն, որոնք ուղղված են լարվածության սրացմանը։ Դա վատ է», – հայտարարել է Պեսկովը։
Հիշեցնենք, որ Էստոնիայի արտաքին գործերի նախարարությունը հայտարարել էր, որ սեպտեմբերի 19-ին երեք ռուսական ռազմական ինքնաթիռ խախտել է երկրի օդային տարածքը։