Այսօր կբացվի ԵԱՀԿ-ի 28-րդ նախարարական նիստը, որը հյուրընկալում է կազմակերպությունը նախագահող Շվեդիան։

Երկօրյա միջոցառումն անցկացվում է Ստոկհոլմում, որտեղ հանդիպում են անդամ 57 երկրների արտաքին գործերի նախարարները։

Մինիստերիալին մասնակցում է Վրաստանի արտաքին գործերի նախարար, փոխվարչապետ Դավիթ Զալկալիանին։

Վրաստանի ԱԳ նախարարը ելույթ կունենա ԵԱՀԿ-ի նախարարական նիստի բացման ժամանակ։ Դավիթ Զալկալիանին կմասնակցի ՎՈՒԱՄ-ի արտգործնախարարների խորհրդի նիստին՝ ԵԱՀԿ-ի հովանավորությամբ անցկացվող միջոցառման շրջանակներում։

Երկու օր շարունակ Վրաստանի արտաքին գործերի նախարարը երկկողմ հանդիպումներ կունենա ՆԱՏՕ-ի գլխավոր քարտուղարի տեղակալ Միրչա Ջոաննայի, Ավստրիայի Հանրապետության եվրոպական և միջազգային հարցերի նախարար Միխայել Լինհարթի, Հյուսիսային Մակեդոնիայի Հանրապետության արտաքին գործերի նախարար Բուջար Օսմանիի հետ, Լեհաստանի Հանրապետության արտաքին գործերի նախարար, ԵԱՀԿ-ի ապագա նախագահ Զբիգնև Ռաուսի, Սերբիայի Հանրապետության արտաքին գործերի նախարարի, Լիտվայի արտաքին գործերի նախարար Գաբրիելիուս Լանդսբերգիսի հետ։ Նախատեսվում է նաև հանդիպում ԵԱՀԿ-ի մամուլի ազատության հարցերով ներկայացուցիչ Թերեզա Ռիբեյրոյի հետ։