Խորհրդարանային մեծամասնության անդամ Դավիթ Մաթիկաշվիլին գտնում է, որ արդարադատության նախարար Թեա Ծուլուկիանիի պաշտոնից հեռանալու մասին, ոչկառավարական սեկտորի պահանջը լուրջ չէ:
Ինչպես Մաթիկաշվիլին ասել է լրագրողներին, հիմնական ուշադրությունը պետք է դարձվի հիմնախնդրի կարգավորման վրա:
«Որոշ դեպքերում պետք է լինենք քաղաքական ամբիցիաներից և հետաքրքրություններից վեր: Մեզ համար շատ կարևոր է, որ պատասխանատվությունը լինի առավելագույնս վերցված: Դրա ապացույցն է նաև գլխավոր դատախազի պաշտոնաթողությունը: Վրաց քաղաքականությունում նման բաներ հաճախ չեն լինում, երբ բարձրաստիճան պաշտոնյաները ողջ պատասխանատվությունը վերցնում են իրենց վրա և անում են համապատասխան քայլեր: Ես հեռու եմ այն մտքից, որ նման քայլերով լուծվում են բոլոր հիմնախնդիրները, սակայն ընդունված որոշումները մատնանշում են պատասխանատվության վրա: Այս պահին արդարադատության նախարարի պաշտոնաթողության մասին խոսելը անտեղի է»,-հայտարարել է Մաթիկաշվիլին:
Մոտ 10 ոչկառավարական կազմակերպություն պահանջում է Թեա Ծուլուկիանիի պաշտոնաթողություն:
Իրակլի Շոթաձեն գլխավոր դատախազի պաշտոնից հեռացել է մայիսի 31-ին: Իրակլի Շոթաձեի պաշտոնաթողությունը կապված է, Խորավայի փողոցում տեղի ունեցած սպանության գործով դատարանի որոշման հետ:
