Դավիթ Բաքրաձե. Ճգնաժամը մեղմելու վերաբերյալ մեր տեսլականը մենք գրավոր փոխանցել ենք դեսպաններին, նրանց խնդրանքն է, որ մինչև «Վրացական երազանքի» պաշտոնական արձագանքը չլինի, մենք չխոսենք մանրամասների մասին
Մենք դեսպաններին գրավոր փոխանցեցինք մեր տեսլականը, թե ինչպես մեղմել ճգնաժամը, և թե ինչպես պետք է երկիրը զարգանա, – դիվանագետների հետ հանդիպումից հետո լրագրողներին հայտնել է «Եվրոպական Վրաստանի» առաջնորդ Դավիթ Բաքրաձեն:
Ինչպես նա նշեց, միջնորդների խնդրանքն է, որ քանի դեռ «Վրացական երազանքի» կողմից ընդդիմության առաջարկին պաշտոնական արձագանք չլինի, մանրամասների մասին չխոսել:
«Ընդդիմությունը հերթական անգամ հայտարարեց իր համաձայնեցված, միասնական դիրքորոշման մասին, և այս դիրքորոշումը շատ մանրամասն ամրագրվեց: Մենք դեսպաններին գրավոր փոխանցեցինք մեր տեսլականը, թե ինչպես մեղմել ճգնաժամը, և թե ինչպես պետք է երկիրը զարգանա: Մեր խնդրանքն այն էր, որ նրանք, որպես միջնորդներ, պաշտոնապես ներկայացնեն այս դիրքորոշումը «Վրացական երազանք»-ին, և մենք սպասում ենք նման պաշտոնական, փաստաթղթավորված պատասխանի:
«Ես չեմ կարող հստակ ասել, թե ինչ է ներառում մեր առաջարկը, քանի որ միջնորդների խնդրանքն այն է, որ մենք չխոսենք առաջարկի մանրամասների մասին, քանի դեռ «Վրացական երազանքի» կողմից պաշտոնական պատասխան չստացվի, բայց կարող եմ ասել, որ առաջարկը համահունչ է ընդդիմության կողմից դրված սկզբունքներին, ներառյալ ընտրությունները»- հայտարարել է Դավիթ Բաքրաձեն:
Միևնույն ժամանակ, Բաքրաձեն նշել է, որ ընդդիմության կուսակցությունների դիրքորոշումը խորհրդարանի բոյկոտի հարցում անփոփոխ է:
