Վրաստանի դատախազությունը մեղադրանք է առաջադրել մեկ անձի՝ Թբիլիսիում, Մելիքիշվիլիի պողոտայում տեղի ունեցած ցույցի ժամանակ ոստիկանների վրա հարձակվելու համար։

ՆԳՆ-ի կատարած հետաքննությամբ պարզվել է, որ նոյեմբերի 19-ին՝ առավոտյան ժամերին, Թբիլիսիում, Մելիքիշվիլի պողոտայում անցկացված ակցիայի ժամանակ մեղադրյալը փայտով տարբեր վնասվածքներ է հասցրել երեք ոստիկանների։

Գերատեսչությունը տեսանյութ է հրապարակել, որում պատկերված է նշված փաստը։

Իրավապահները մեղադրյալին ձերբակալել են նոյեմբերի 21-ին։

Նրան մեղադրանք է առաջադրվել Վրաստանի Քրեական օրենսգրքի 353 պրիմ հոդվածի առաջին մասով (ոստիկանի վրա հարձակում՝ ոստիկանի ծառայողական գործունեության հետ կապված), որը նախատեսում է ազատազրկում 4-ից 7 տարի ժամկետով։

Դատախազությունը օրենքով սահմանված ժամկետում դիմելու է դատարան՝ մեղադրյալի նկատմամբ խափանման միջոց կիրառելու միջնորդությամբ։

Քրեական գործի նախաքննությունը շարունակվում է։