Վրաստանի դատախազությունը ապօրինի թմրամիջոց ձեռք բերելու և պահելու փաստով մեղադրանք է առաջադրել իրավապահ մարմնի ծառայողին։

Քննչական մարմնի տվյալներով՝ ՆԳՆ գլխավոր տեսչության աշխատակիցների կողմից իրականացված քննությամբ պարզվել է, որ ՆԳՆ-ի սահմանապահ ոստիկանության ցամաքային սահմանների պահպանության վարչության աշխատակիցը ապօրինի կերպով ձեռք է բերել և պահել 0.108096 գրամ «ալֆա-PVP» տեսակի թմրամիջոց և 0.0246 գրամ «բուպրենորֆին»։

«Իրավապահները նշված թմրամիջոցները հայտնաբերել և առգրավել են մեղադրյալի խուզարկության արդյունքում։

Կալանավորված անձին մեղադրանք է առաջադրվել Վրաստանի քրեական օրենսգրքի 260-րդ հոդվածի առաջին մասով (թմրամիջոցի ապօրինի ձեռքբերում և պահում) և 260-րդ հոդվածի երկրորդ մասի «ա» ենթակետով (մեծ քանակությամբ թմրամիջոցի ապօրինի ձեռքբերում և պահում), ինչը նախատեսում է մինչև ութ տարվա ազատազրկում։

Դատախազությունը օրենքով սահմանված ժամկետում դատարան է ներկայացնելու մեղադրյալի նկատմամբ կալանքի կիրառման միջնորդություն», – նշված է տեղեկատվության մեջ։