Վրաստանի դատախազությունը մեկ անձի մեղադրանք է առաջադրել խուլիգանության և Պատրիարքարանի նստավայրի մոտ գտնվող գույքին վնաս հասցնելու համար։

Ըստ Վրաստանի դատախազության՝ Ներքին գործերի նախարարության կողմից անցկացված հետաքննությունը պարզել է, որ 2026 թվականի մայիսի 20-ին մեղադրյալը, կրոնական անհանդուրժողականություն վկայակոչելով, մեքենայով մտել է Պատրիարքարանի նստավայրի տարածք, որտեղ վնասել է այսպես կոչված արգելապատնեշը, մուտքի դուռը և բակում կայանված մեքենան։

«Մեքենան վնասելուց հետո նա սպառնացել է բակում գտնվող մարդկանց, բռնության սպառնալիքով ակնհայտ անհարգալից վերաբերմունք է ցուցաբերել հանրության նկատմամբ և խախտել է հասարակական կարգը։ Մեղադրյալի գործողությունների հետևանքով տուժողները կրել են 9350 լարիի չափով նյութական վնաս։

Իրավապահ մարմինների աշխատակիցները նույն օրը ձերբակալել են մեղադրյալին։ Նրան մեղադրանք է առաջադրվել Վրաստանի քրեական օրենսգրքի 187-րդ հոդվածի 1-ին մասով (ուրիշի գույքին վնաս հասցնելը) և 239-րդ հոդվածի 3-րդ մասով (խուլիգանություն, որը կատարվել է այլ առարկայի որպես զենք օգտագործելով), որոնք որպես պատժի ձև և չափ նախատեսում են մինչև 7 տարի ազատազրկում։

Քրեական գործով ընթացող քննության շրջանակներում մեղադրյալի նկատմամբ նշանակվել է հոգեբուժական փորձաքննություն», – նշվում է տեղեկատվության մեջ։

Դատախազությունը օրենքով սահմանված ժամկետում պետք է դիմի դատարան՝ մեղադրյալի նկատմամբ որպես խափանման միջոց կալանք կիրառելու միջնորդությամբ։