Դատարանը Նիկոլա Սարկոզիին վաղաժամկետ ազատ արձակեց բանտից, Ֆրանսիայի նախկին նախագահը բանտը կլքի այսօր
Փարիզի դատարանը Ֆրանսիայի նախկին նախագահ Նիկոլա Սարկոզիին վաղաժամկետ ազատ արձակեց բանտից: Ֆրանսիական լրատվամիջոցների հաղորդմամբ, դատարանի որոշմամբ Սարկոզիին կենթարկեն «դատարանի հսկողության»:
Ֆրանսիայի նախկին նախագահը այսօր դուրս կգա բանտից: Նրան արգելվում է լքել Ֆրանսիան և որևէ շփում ունենալ իր գործին առնչվող անձանց հետ:
Նրան նաև արգելվելու է հանդիպել Ֆրանսիայի արդարադատության նախարարության պաշտոնյաների հետ:
Ֆրանսիայի նախկին նախագահի փաստաբանի խոսքով՝ Սարկոզիի բանտից ազատ արձակումը միայն առաջին քայլն է, և պաշտպանությունը մտադիր է բողոքարկել Ֆրանսիայի նախկին առաջնորդի դեմ կայացված դատավճիռը Վերաքննիչ դատարանում: