Թբիլիսիի քաղաքային դատարանում շարունակվում է «Հզոր Վրաստանի» առաջնորդներից Ալեկո Էլիսաշվիլիի դատավարությունը։

Մեղադրող կողմը պահանջում է Էլիսաշվիլիի նկատմամբ կալանք սահմանել։ Ըստ դատախազ Զվիադ Գուբելաձեի, Էլիսաշվիլին կարող է թաքնվել և ազդել վկաների վրա, ուստի նրանք նպատակահարմար են համարում ձերբակալել նրան։

Ըստ նրա հայտարարության՝ Էլիսաշվիլին քաղաքական հողի վրա հարձակվել է «Վրացական երազանքի» անդամի վրա։

Ինչ վերաբերում է փաստաբանի դիրքորոշմանը, ապա նա պահանջում է գրավ։ Գիորգի Ռեխվիաշվիլիի խոսքով՝ բռնությունը տեղի է ունեցել Ալի Բաբաևի կողմից, ով պատահաբար հանդիպել է Էլիսաշվիլիին։ Գիորգի Ռեխվիաշվիլիի խոսքով՝ մինչ այդ Բաբաևը գրառումներ ու մեկնաբանություններ է արել և սպառնացել Էլիսաշվիլիին՝ Մամուկա Մդինարաձեի վրա հարձակվելու համար։

Ինչպես ասում է փաստաբանը, Էլիսաշվիլին մարմնական վնասվածքներ ունի։ Նրա խոսքով, ձերբակալության ժամանակ ոստիկանները ֆիզիկական բռնության են ենթարկել նրան։

Ալեկո Էլիսաշվիլին ձերբակալվել է դեկտեմբերի 4-ին՝ «Քորթյարդ Մարիոթ» հյուրանոցում պատնեշը հատած կուսակցությունների հանդիպումից հետո։

Քննչական գերատեսչության տվյալներով՝ ՆԳՆ-ի կատարած հետաքննությամբ պարզվել է, որ դեկտեմբերի 2-ին Թբիլիսիում՝ Կոստավա փողոցի մերձակայքում, Ալեկո Էլիսաշվիլին քաղաքական հիմքերով բանավոր և ֆիզիկական վիրավորանքներ է հասցրել «Ադրբեջանցիների Ազգային Կոնգրեսի նախագահ Ալի Բաբաևին: