Դանիայի օդային տարածքում անօդաչու թռչող սարքերի օգտագործումը կարգելվի հաջորդ շաբաթ
Դանիայի տրանսպորտի նախարարության հաղորդմամբ, քաղաքացիական անօդաչու թռչող սարքերի օգտագործումը Դանիայի օդային տարածքում կարգելվի հաջորդ շաբաթ։
Դանիայի իշխանությունները բացատրում են, որ սա կապված է Եվրամիության առաջնորդների ոչ պաշտոնական գագաթնաժողովի և Կոպենհագենում նախատեսված Եվրոպական քաղաքական միության հանդիպման հետ։
Ինչպես նշել է Դանիայի տրանսպորտի նախարար Թոմաս Դանիելսոնը, որոշումը կայացվել է երկրի պաշտպանության և արդարադատության նախարարների հետ համաձայնությամբ և Դանիայի օդային տարածքում վերջերս անհայտ անօդաչու թռչող սարքերի հայտնվելու պատճառով։
Արգելքը ուժի մեջ կմտնի սեպտեմբերի 29-ին և կգործի մինչև հոկտեմբերի 3-ը։ Դանիական օրենսդրության համաձայն՝ արգելքը խախտող յուրաքանչյուր ոք կտուգանվի կամ կազատազրկվի երկու տարի ժամկետով։