Դանիայի և Վրաստանի պաշտպանական գերատեսչությունները ամրապնդում են համագործակցությունը. Պաշտպանության նախարարի առաջին տեղակալը Դանիայի դեսպան Անե Թոֆթ Սորենսենի հետ քննարկել է երկու երկրների պաշտպանական համագործակցության ընթացիկ հարցերն ու ապագա ծրագրերը, ով Լելա Չիկովանիին ներկայացրել է նոր պաշտպանական կցորդ, գնդապետ Յենս Էրիկ Հյորտին։

ՊՆ տեղեկատվության համաձայն՝ Լելա Չիկովանին շնորհակալություն է հայտնել դանիական կողմին անսասան քաղաքական և գործնական աջակցության համար և հաջողություն մաղթել նոր կցորդին։ Հանդիպմանն ընդգծվել է տարածաշրջանում առկա մարտահրավերների ֆոնին գործընկեր երկրների հետ համագործակցության ամրապնդման գործնական մեխանիզմների արդյունավետ կիրառման կարևորությունը։

Դանիայի դեսպանն ու կցորդը եղել են նաև Ազգային գվարդիայում, որտեղ նրանց հյուրընկալել են Վրաստանի պաշտպանության նախարարի առաջին տեղակալ Լելա Չիքովանին և Ազգային գվարդիայի պետ, բրիգադային գեներալ Ռոման Ջոխաձեն։ Այցի շրջանակներում քննարկվել են հետագա համագործակցության հարցերը, դիտվել է դանիական կողմից Ազգային գվարդիայի շրջանակներում փոխանցված տեխնիկան։

Նոր ծրագրի շրջանակում Դանիայի ներքին պահակախումբը և Արտակարգ իրավիճակների կառավարման գործակալությունը կաջակցեն Վրաստանին առաջիկա չորս տարիների ընթացքում կայունության ամրապնդման հարցում։