Դաթա Ախալաիան չի պատասխանել ոչ մի հարցի,- այս մասին հայտարարել է դատախազ Իրակլի Նադարեիշվիլին՝ Սանդրո Գիրգվլիանու գործի մասին, որի առնչությամբ մեղադրանք է առաջադրվել Միխեիլ Սաակաշվիլուն, Սահմանադրական անվտանգության վարչության նախկին ղեկավար Դաթա Ախալաիային հարցաքննելուց հետո:
Ինչպես նա նշել է, բոլոր հարցերը, որոնք նրան առաջադրել է դատախազը, Ախալաիան թողել է անպատասխան:
«Դաթա Ախալաիայի ողջ ցուցմունքի էությունը կայանում էր նրանում, որպեսզի նա հերքեր նախագահի կողմից համաներման խոստումը: Սակայն միակ բանը, որը հայտնի է դարձել այս հարցաքննումից, այն է, որ նախկին նախագահը ստել է, երբ 2013 թվականին հայտարարել է, որ Դաթա Ախալաիային տեսել է երեք անգամ»,- հայտարարել է Իրակլի Նադարեիշվիլին:
Դատախազի խոսքով, Դաթա Ախալաիայի ցուցմունքի վստահելիությունը մեղադրող կողմի և հանրության համար հաստատուն չէ, քանի որ սահմանադրական անվտանգության վարչության նախկին ղեկավարը, Գիրգվլիանում դեմ գործած հանցանքի կազմակերպիչը և պատվիրատուն է:
