Ցխինվալի բռնազավթիչ ռեժիմի ներկայացուցիչների հետ Սերգեյ Լավրովի հանդիպումը հերթական սադրանք է, որը Վրաստանի ինքնիշխանության դեմ ուղղված քաղաքականության շարունակությունն է. ԱԳՆ
Ռուսաստանի արտաքին գործերի նախարար, Սերգեյ Լավրովի հանդիպումը Ցխինվալի բռնազավթիչ ռեժիմի ներկայացուցչի հետ, Ռուսաստանի կողմից հերթական սադրիչ քայլ է, որը վրացական պետականության, ինքնիշխանության և տարածքային ամբողջականության դեմ քաղաքականության շարունակությունն է,- այս մասին հայտարարել են Վրաստանի արտաքին գործերի նախարարության մամուլի և տեղեկատվության դեպարտամենտում:
Գերատեսչությունում հայտարարում են, որ «Նման գործողություններով Ռուսաստանը ապարդյուն փորձում է օրինականացնել բռնազավթիչ ռեժիմները, այն ֆոնին, երբ 2008 թվականի օգոստոսի 12-ի հրադադարի համաձայնագրով ստանձնած պարտավորությունների կոպիտ խախտմամբ, Ռուսաստանը շարունակում է բռնազավթել Վրաստանի անբաժանելի շրջանները և քայլեր ձեռնարկել դրանց փաստացի բռնակցման ուղղությամբ:
«Միջազգային հանրությունը անսասան աջակցում է Վրաստանի ինքնիշխանությանը, տարածքային ամբողջականությանը և բռնազավթված տարածքների չճանաչման քաղաքականությանը: Միջազգային իրավունքի և միջազգային հանրության ամուր դիրքը վերահաստատվեց, Մարդու իրավունքների եվրոպական դատարանի որոշմամբ, որը միանշանակ որոշում կայացրեց այն մասին, որ Ռուսաստանի Դաշնությունն իրականացնում է ապօրինի բռնազավթում և արդյունավետ վերահսկողություն է հաստատում Վրաստանի անբաժանելի շրջանների` Աբխազիայի և Ցխինվալիի նկատմամբ:
Ստրասբուրգի դատարանը պատասխանատվության է ենթարկել Ռուսաստանի Դաշնությանը, 2008 թվականի օգոստոսյան պատերազմի ընթացքում, ինչպես նաև դրանից հետո միջազգային հիմնարար իրավունքի և մարդու իրավունքների հիմնարար խախտումների համար, ներառյալ հարյուր հազարավոր բռնի տեղահանվածների և փախստականների տուն վերադառնալու իրավունքի խախտման համար: Այս որոշումն ընդգծում է Վրաստանի ինքնիշխանության և տարածքային ամբողջականության ամրապնդման համար Վրաստանի արդար և խաղաղ պայքարի կարևորությունը», – ասված է հայտարարության մեջ: