CNN – Դոնալդ Թրամփն իր խորհրդականներին հայտնել է, որ ցանկանում է հանդիպում անցկացնել իրանցի պաշտոնյաների հետ ՄԱԿ-ի Գլխավոր ասամբլեայի շրջանակներում, եթե պայմանները բարենպաստ լինեն

ԱՄՆ նախագահ Դոնալդ Թրամփն իր խորհրդականներին հայտնել է, որ ցանկանում է հանդիպել իրանցի պաշտոնյաների հետ, ովքեր ներկայումս Նյու Յորքում են՝ ՄԱԿ-ի Գլխավոր ասամբլեային մասնակցելու նպատակով, «եթե պայմանները բարենպաստ լինեն»։ Այս մասին CNN-ին հայտնել է ամերիկացի պաշտոնյան։

Ըստ CNN-ի՝ ՄԱԿ-ի Գլխավոր ասամբլեայի շրջանակներում հնարավոր հանդիպման վերաբերյալ ներքին քննարկումները կենտրոնացած են այն նշանակության վրա, որը նման զրույցը կունենար Իրանի հետ շարունակվող հակամարտությունը դադարեցնելու ուղիներ գտնելու՝ Թրամփի վարչակազմի ջանքերի համար։

Պաշտոնյան նշել է, որ որոշակի թերահավատություն կա նաև առ այն, թե արդյոք Նյու Յորքում գտնվող ներկայացուցիչները վայելում են այաթոլլա Մոջթաբա Խամենեիի վստահությունը։

Բացի այդ, պաշտոնյան հայտնել է, որ անհայտ է մնում՝ արդյոք իրանական կողմի ներկայացուցիչները պատրաստ են հնարավոր հանդիպմանը։

Կրճատ կազմով պատվիրակության անդամների թվում են Իրանի նախագահ Մասուդ Փեզեշքիանը և Իրանի արտաքին գործերի նախարար Աբբաս Արաղչին։