CNN. ԱՄՆ նախագահի վարչակազմի ներկայացուցիչները ներքին քննարկումներ են անցկացնում Իրանի հետ հնարավոր երկրորդ հանդիպման մանրամասների շուրջ
ԱՄՆ նախագահի վարչակազմի ներկայացուցիչները ներքին քննարկումներ են անցկացնում Իրանի հետ հնարավոր երկրորդ հանդիպման մանրամասների շուրջ։ Այս մասին գրում է «Սի-Էն-Էն»-ը (CNN)՝ հղում անելով իր աղբյուրներին։
Լրատվամիջոցների փոխանցմամբ՝ դեռևս հայտնի չէ, թե արդյոք հանդիպումն իրականում կկայանա, սակայն ամերիկացի բարձրաստիճան պաշտոնյաներն արդեն սկսում են նախապատրաստությունները։
«Եթե գործընթացն այս ուղղությամբ գնա, մեզ արագ արձագանք է անհրաժեշտ», – «Սի-Էն-Էն»-ին հայտնել է աղբյուրներից մեկը։
Նույն տեղեկատվության համաձայն՝ Թրամփի վարչակազմն այս փուլում քննարկում է հանդիպման հնարավոր ամսաթվերը, վայրը և միջնորդներին։