«Չիխուրա» ֆուտբոլային ակումբի բազայի վերականգնման նախագծման համար մրցույթ է հայտարարվել
Սաչխերեի «Չիխուրա» ֆուտբոլային ակումբի բազայի վերականգնման նախագծման համար մրցույթ է հայտարարվել։ Այս մասին տեղեկատվություն է տարածում Վրաստանի ենթակառուցվածքների նախարարության Մունիցիպալ զարգացման հիմնադրամը։
Ըստ նրանց տեղեկությունների՝ մրցույթի նպատակն է Սաչխերեի «Չիխուրա» ֆուտբոլային ակումբի գործող մարզաբազայի լիարժեք թարմացումը և այն ժամանակակից մարզական ենթակառուցվածքների չափանիշներին համապատասխանեցնելը։
«Վերականգնման նախագիծը ներառում է ֆուտբոլային դաշտի, շենքերի և տրիբունաների վերակառուցումը, արհեստական ծածկույթի փոխարինումը, դաշտերի միջև բաժանարար ցանկապատի տեղադրումը, վթարային շենքի ապամոնտաժումը, նոր շինության կառուցումը և գոյություն ունեցող շենքի ամբողջական վերականգնումը։
Նախագծի շրջանակներում նախատեսվում է նաև ժամանակակից լուսավորության համակարգի տեղադրում, ինժեներական և տեխնոլոգիական համակարգերի ինտեգրում և տարածքի բարեկարգում, ինչը կապահովի անվտանգ և ժամանակակից մարզական միջավայրի ստեղծումը։
Նախագծի իրականացումը զգալիորեն կբարելավի ակումբի ենթակառուցվածքը և կնպաստի Սաչխերեի մունիցիպալիտետում ֆուտբոլի զարգացմանը», – նշված է հաղորդագրության մեջ: