Չինաստանի հյուսիս-արևելքում ռեստորանում տեղի ունեցած հրդեհի հետևանքով 22 մարդ է զոհվել
Չինաստանի հյուսիս-արևելքում գտնվող ռեստորանում բռնկված հրդեհի հետևանքով 22 մարդ է զոհվել։ Այս մասին հաղորդում է Reuters-ը։
Ըստ լրատվամիջոցների՝ միջադեպը տեղի է ունեցել Լյաոնին նահանգում։
Հրդեհը բռնկվել է կեսօրին խիտ բնակեցված տարածքում գտնվող օբյեկտում։ Տեղական իշխանությունների տվյալներով՝ հրդեհաշիջման աշխատանքներին մասնակցել է 22 հրշեջ մեքենա և 85 հրշեջ։
Չինաստանի պետական լրատվամիջոցները հաղորդել են, որ նախագահ Սի Ցզինպինը կոչ է արել իշխանություններին արագ օգնություն ցուցաբերել տուժածներին, պարզել հրդեհի պատճառը և պատասխանատվության ենթարկել մեղավորներին։
Տեղեկատվության համար, ապրիլին Հեբեյ նահանգի ծերանոցում բռնկված հրդեհի հետևանքով 20 մարդ զոհվեց։