Ես կցանկանայի շնորհավորել ամբողջ Վրաստանին և, առաջին հերթին, երկրի զբոսաշրջության արդյունաբերությանը այսօրվա ձեռքբերման կապակցությամբ: Այսօր Վրաստանը ընտրվեց ՄԱԿ-ի զբոսաշրջության համաշխարհային կազմակերպության գործադիր խորհրդի անդամ, – այս մասին հայտարարել է Վրաստանի էկոնոմիկայի և կայուն զարգացման նախարար Նաթիա Թուրնավան:

Նախարարը շնորհակալություն հայտնեց այն պետությունների կառավարություններին, որոնք սատարել են Վրաստանի թեկնածությանը ընտրություններում:

«Համաշխարհային զբոսաշրջության արդյունաբերության առջև ծառացած նոր մարտահրավերների ընթացքում Վրաստանը հնարավորություն ունի ներգրավվել համաշխարհային զբոսաշրջության արդյունաբերության խնդիրների լուծման մեջ:

Ինչ վերաբերում է Վրաստանի առավելություններին, ապա դա Վրաստանի մասին տեղեկատվություն հայթայթելն ու նրա տեղեկացվածության մակարդակի բարձրացումն է, ինչպես նաև մեր երկիրն ավելի գրավիչ, եզակի և անվտանգ զբոսաշրջային միջավայր դարձնելը», – ասել է նախարարը: