Բուլղարիայի EMKO զինամթերքի գործարանում մի քանի պայթյուններ են տեղի ունեցել, աշխատակիցները տարհանվում են

Բուլղարիայի Բելիցա գյուղում գտնվող EMKO ռազմական զինամթերքի գործարանում մի քանի պայթյուններ են տեղի ունեցել: Բուլղարիայի Ներքին գործերի նախարարությունը հաստատել է տեղեկատվությունը:

Տրիան մունիցիպալիտետի քաղաքապետ Դենչո Մինևի խոսքով՝ սկզբում գործարանի տարածքում հրդեհ է բռնկվել բեռնատար մեքենայում, որին հաջորդել են մի քանի պահեստներում պայթյուններ:

Ըստ հաղորդագրությունների՝ միջադեպի հետևանքով ոչ ոք չի տուժել: Այժմ գործարանից տարհանվում է մոտ 300 աշխատակից:

Տրիանոնի քաղաքապետը կոչ է արել բնակիչներին փակել պատուհանները, կրել պաշտպանիչ դիմակներ և խուսափել դուրս գալուց: Նա ասել է, որ պայթյունների հետևանքով տարածքում գազի արտահոսքի և օդի աղտոտման վտանգ կա:

Տեղում են նաև շրջակա միջավայրի պաշտպանության խմբեր՝ օդի որակը վերահսկելու համար: