Պուտինը ցանկանում է, որ Բրիտանիան կենտրոնանա Մերձավոր Արևելքում ընթացող պատերազմի վրա, – այս մասին հայտարարել է Բրիտանիայի պաշտպանության նախարար Ջոն Հիլին:

Հարցին, թե արդյոք Ռուսաստանի քայլերը կանխամտածված էին՝ հաշվի առնելով այն փաստը, որ հիմնական ուշադրությունը սևեռված էր Իրանի հետ պատերազմի վրա, Բրիտանիայի պաշտպանական գերատեսչության ղեկավարը նշել է, որ Ռուսաստանի նախագահը հենց դա է ցանկանում:

«Այն, ինչ ես այսօր ներկայացնում եմ, ցույց է տալիս, որ մենք ոչ միայն բացահայտում ենք նրա գաղտնի գործողությունը, այլև ասում ենք նրան, որ Ռուսաստանին ճանաչում ենք որպես Միացյալ Թագավորության և ՆԱՏՕ-ի գլխավոր սպառնալիք, և որ մենք աչք չենք թեքելու Պուտինից, միևնույն ժամանակ գործելով մեր բրիտանական շահերի և Մերձավոր Արևելքում մեր բրիտանացի դաշնակիցների պաշտպանության համար», – նշել է Ջոն Հիլին: