Գերմանիայի պաշտպանության նախարար Բորիս Պիստորիուսը ՆԱՏՕ-ում ստեղծված իրավիճակը համեմատել է 20 տարվա ամուսնությունից հետո ստեղծված ճգնաժամի հետ։

Հարցին, թե արդյոք նա դեռ հավատում է, որ Միացյալ Նահանգները կգա օգնության դաշինքին, եթե դրա անդամներից մեկը հարձակման ենթարկվի, ինչպես նախատեսված է պայմանագրով, Պիստորիուսը պատասխանել է, որ «նրանք, ովքեր այդքան տարի ամուսնացած են եղել, բախվում են վստահության և օտարացման ճգնաժամի»։

Նա ասել է, որ այս պահին կա միայն երկու տարբերակ՝ փախուստ կամ պայքար հարաբերությունների համար։

«Թույլ տվեք անսովոր համեմատություն անել։ 20 տարի ամուսնացած մարդիկ կարող են որոշ պահի ճգնաժամ ապրել, վստահության ճգնաժամ, օտարացման ճգնաժամ։ Կամ, հնարավոր է, որ նրանց կյանքում առաջնահերթությունները փոխվեն։ Այդ դեպքում, պարզ ասած, առաջանում են երկու մարդկային, բնազդային ազդակներ՝ փախուստ կամ կռիվ», – ասել է Գերմանիայի պաշտպանության նախարարը RND-ին տված հարցազրույցում։

Միևնույն ժամանակ, Բորիս Պիստորիուսը նշել է, որ ինքը դեռևս տեսնում է ՆԱՏՕ-ի միասնությունը և նշում է, որ Միացյալ Նահանգները չի պատրաստվում դուրս գալ դաշինքից։

Ըստ նրա, այս քննարկումներից միայն Ռուսաստանի նախագահ Վլադիմիր Պուտինն է օգտվում։

«Ի դեպ, այս քննարկումներից միակը, ով շահում է, Պուտինն է», – ասաց Բորիս Պիստորիուսը։