Բորիս Ջոնսոն. Պուտինն իրեն ներկայացել է որպես գանգստեր, հեռուստատեսային անհեթեթ «ցավակցությունը» «վագներականների» համար վերցված է «Կնքահոր» էջերից, նա մեր աչքի առաջ վերածվում է ասիական դեսպոտի
Եվգենի Պրիգոժինի մահն անհնար էր առանց Ռուսաստանի նախագահի հրամանի, ինչը ցույց է տալիս, որ Վլադիմիր Պուտինի հետ բանակցություններն անիմաստ են,- «Daily Mail»-ի համար գրել է Մեծ Բրիտանիայի նախկին վարչապետ Բորիս Ջոնսոնը։
«Պուտինը ներկայացել է որպես գանգստեր, իսկ նրա անհեթեթ հեռուստատեսային «ցավակցությունը» հանգուցյալ «Վագներականներին» ուղղակի վերցված է «Կնքահոր» էջերից։ Այս սպանություններով Պուտինը մեր աչքի առաջ վերածվում է ասիական դեսպոտի՝ սպանելով իր նախկին ֆավորիտին՝ ցույց տալու, թե ով է այստեղ շեֆը, վայելելով նրա անողոքությունը»,- գրել է Ջոնսոնը։
Ջոնսոնը բացատրում է, որ ԱՄՆ-ին մարտահրավեր նետելու Ռուսաստանի նախագահի բաց պատրաստակամությունն է, որ նպաստում է նրա ժողովրդականությանը Արևմուտքի հանդեպ թերահավատ երկրներում:
«Եթե Պուտինը հաղթի Ուկրաինայում, դա աղետ կլինի աշխարհում ժողովրդավարության համար։ Եթե Պուտինը հաղթի, դա փաստարկ կլինի բոլորի համար, ովքեր ասում են, որ Արեւմուտքի վրա հույս դնել չի կարելի, եւ նա ձեր կողքին չի լինի մինչեւ վերջ»,- գրել է Մեծ Բրիտանիայի նախկին վարչապետը։
Ջոնսոնը նշում է, որ Ուկրաինայի դաշնակիցները չպետք է անհանգստանան Պուտինի ճակատագրով, այլ պետք է շարունակեն աջակցել այն պետությանը, որը Ռուսաստանի նախագահը վճռական է նվաճել։