Բոլորին շնորհավորում եմ Շահ Դենիզի հանքավայրից Եվրամիություն «Հարավի միջանցքով» գազի խողովակաշարի համակարգի միջոցով գազի տարանցման մեկնարկի կապակցությամբ», – այսպես է արձագանքել Վրաստանի էկոնոմիկայի և կայուն զարգացման նախարար, Նաթիա Թուրնավան, հարավի գազի միջանցքով, Վրաստանով Եվրոպա Շահ Դենիզի գազի տարանցման մեկնարկին:

Հարավի գազի միջանցքի խողովակաշարային համակարգով սկսվել է՝ Ադրբեջանի «Շահ Դենիզ» հանքավայրից Եվրամիության երկրներ գազի մատակարարումը:

«Ես շնորհավորում եմ այս նախագծում ներգրավված բոլոր կողմերին ՝ բոլոր երկրներին և կոնսորցիումին: Այսօր շատ կարևոր օր է Վրաստանի տարածքով էներգետիկ միջանցքի զարգացման համար: Ավարտվել է «Հարավի գազի միջանցքի» վերջին փուլը, Տրանսադրիատիկ գազատարի նախագծի շինարարությունը: Տարածաշրջանային այս խոշոր նախագծի միջոցով, Ադրբեջանից բնական գազը Վրաստանի և Թուրքիայի տարածքով մատակարարվում է Եվրոպա», – հայտարարել է Նաթիա Թուրնավան:

Նրա խոսքով, նախագիծը վճռորոշ նշանակություն ունի Վրաստանի էներգետիկ անկախության ամրապնդման համար:

«Այս նախագիծը կարևոր է Վրաստանի համար, որպես էներգետիկ միջանցքի հյուրընկալող երկիր, մեր էներգետիկ անկախությունն ամրապնդելու, մեր երկրի ունեցած աշխարհաքաղաքական դիրքն ավելի լավ օգտագործելու համար: Տրանսանատոլիական գազատարը բացվել էր մեկ տարի առաջ, և այժմ մենք կանգնած ենք նախագծի տրամաբանական ավարտի առջև. Բնական գազը Կովկասից կմատակարարվի Եվրոպա»,- հայտարարել է Նաթիա Թուրնավան: