Bloomberg – Հունգարիայում ստեղծվում է գործակալություն, որի հիմնական խնդիրը, հավանաբար, կլինի Վիկտոր Օրբանի կառավարման տարիներին անօրինական կերպով յուրացված պետական միջոցների վերադարձը
Bloomberg-ը հաղորդում է, որ Հունգարիան ստեղծում է նոր գործակալություն, որը կզբաղվի պետական միջոցների, մասնավորապես՝ Վիկտոր Օրբանի 16-ամյա կառավարման ընթացքում ենթադրաբար յուրացված միջոցների վերադարձմամբ։
Երկրի խորհրդարանն արդեն քվեարկել է Ազգային ակտիվների վերականգնման գործակալության ստեղծման օգտին։ Սա վարչապետ Պետեր Մագյարի՝ ապրիլյան ընտրություններում հաղթանակ տանելուց հետո տված կոռուպցիայի դեմ պայքարի հիմնական խոստումներից մեկն էր։
Bloomberg-ի տվյալներով՝ Օրբանի օրոք Հունգարիան ԵՄ երկրների շարքում զբաղեցրել է վերջին տեղը Transparency International-ի կոռուպցիայի ընկալման ինդեքսում, ինչը ԵՄ-ին դրդել է կրճատել միլիարդավոր եվրոների ֆինանսավորումը՝ կոռուպցիայի հետ կապված մտահոգությունների պատճառով։
Լրատվամիջոցների հաղորդագրությունների համաձայն՝ ի տարբերություն այլ եվրոպական երկրների կոռուպցիայի դեմ պայքարի գործակալությունների, Հունգարիայի նոր գործակալությունը կունենա լիազորություններ, որոնք սովորաբար բաշխվում են դատախազների, ոստիկանության, ֆինանսական հետաքննության մարմինների և քաղաքացիական իրավունքի ինստիտուտների միջև։