Բի Բի Սի – Իսպանիայում և Ֆրանսիայում անտառային հրդեհները դեռևս չեն կարողանում մարել, ավելի քան 330,000 մարդ տարհանվել է

Իսպանիայում և Ֆրանսիայում անտառային հրդեհները դեռևս չեն կարողանում մարել, ավելի քան 330,000 մարդ տարհանվել է,- գրում է Բի Բի Սի-ն։

Հրապարակումը գրում է, որ Ֆրանսիայում հրշեջները փորձում են տեղայնացնել Բորդո քաղաքի մոտակայքում բռնկված խոշոր անտառային հրդեհները։ Գիշերը երկրի հարավ-արևմտյան մասում տարհանվել է մոտ 55,000 մարդ։ Բորդոյի քաղաքապետի խոսքով՝ հրդեհը քաղաքի ծայրամասից մոտ 15 կիլոմետր և կենտրոնից 25-30 կիլոմետր հեռավորության վրա է։ Նրա խոսքով՝ այս փուլում Բորդոն տարհանելու անհրաժեշտություն չկա, չնայած նրանք պատրաստվում են բոլոր հնարավոր սցենարներին։

Հրդեհն արդեն ոչնչացրել է 42,000 հեկտար անտառ, ինչը այն դարձնում է Երկրորդ համաշխարհային պատերազմից ի վեր ամենամեծ անտառային հրդեհներից մեկը։ Տարվա սկզբից երկրում այրվել է ավելի քան 100,000 հեկտար, իսկ հարավարևմտյան շրջաններից տարհանվել է ավելի քան 220,000 մարդ։ Հրդեհի մարմանը մասնակցում են 2,500 հրշեջներ, այդ թվում՝ շվեյցարական փրկարարական ջոկատ, ինչպես նաև 1,500 զինվոր և գրեթե 1,200 ոստիկան և ժանդարմ։

Միևնույն ժամանակ, Իսպանիայում իրավիճակը բարդ է։ Մադրիդի և Ավիլայի շրջակա շրջաններից տարհանվել է ավելի քան 90,000 մարդ, իսկ Վալենսիայի մոտակայքում նոր հրդեհ է բռնկվել։ Վալենսիայի շրջանի նախագահ Խուանֆրան Պերես Լորկան հայտարարել է, որ հրդեհն այնքան ուժեղ է, որ անհնար է այն մարել առկա ռեսուրսներով։ Իսպանիայի վարչապետ Պեդրո Սանչեսը հայտարարել է, որ երկիրը դժվար ժամանակներ է ապրում։