Իսպանիան վիրավորել է մեր հերոսներին՝ Իսրայելի պաշտպանության բանակի զինվորներին, աշխարհի ամենաբարոյական բանակի զինվորներին. այս մասին հայտարարել է Իսրայելի վարչապետ Բենիամին Նեթանյահուն:

Նեթանյահուի խոսքով՝ Իսրայելը Իսպանիային կվտարի Կիրյաթ Գատում գտնվող քաղաքացիական-ռազմական համակարգման կենտրոնից: Այս կենտրոնը վերահսկում է Գազայի հատվածում հրադադարի համաձայնագիրը, որի շտաբ-բնակարանում Իսպանիան ունի մշտական ներկայացուցչություն:

«Իսրայելը չի լռի նրանց առջև, ովքեր հարձակվում են մեզ վրա: Նրանք, ովքեր ահաբեկչական ռեժիմների փոխարեն հարձակվում են Իսրայելի վրա, ով էլ որ դա անի, չեն կարող լինել մեր գործընկերները տարածաշրջանի ապագայի հարցում: Ես պատրաստ չեմ հանդուրժել այս կեղծավորությունն ու այս թշնամանքը: Մտադիր չեմ որևէ երկրի թույլ տալ մեր դեմ դիվանագիտական պատերազմ վարել՝ առանց անհապաղ գին վճարելու», – նշել է Բենիամին Նեթանյահուն: