Բելառուսի պաշտպանության նախարարության տվյալներով՝ Մինսկը հերքում է Լեհաստանի օդային տարածքի խախտումը
Մինսկը հերքում է Լեհաստանի օդային տարածքի խախտումը,- հայտնում է Բելառուսի ՊՆ «Telegram» ալիքը։
Ինչպես նշվում է «Telegram»-ում հրապարակված հայտարարության մեջ, Բելառուսի պաշտպանության նախարարությունը հերքում է լեհական կողմի հայտարարությունները երկու ուղղաթիռներով Լեհաստանի օդային տարածքը խախտելու մասին։
Բելառուսի պաշտպանության նախարարությունը կարծում է, որ Վարշավային անհրաժեշտ են Լեհաստանի օդային տարածքի խախտման մեղադրանքները, որպեսզի ունենա «բելառուսական սահմանի մոտ ուժեր և միջոցներ կուտակելու ևս մեկ հիմնավորում»։
Ավելի վաղ Վարշավան հաստատել էր, որ բելառուսական ուղղաթիռները խախտել են Լեհաստանի պետական սահմանը։ Լեհաստանի ազգային պաշտպանության նախարար Մարիուշ Բլաշչակը կարգադրել է ավելացնել սահմանին զինվորների թիվը, հատկացնել լրացուցիչ ուժեր և ռեսուրսներ, այդ թվում՝ մարտական ուղղաթիռներ։