Բելառուսի գլխավոր շտաբի պետի տեղակալ-Արևմուտքը պետք է հստակ հասկանա, որ ցանկացած տեսակի զինված սադրանքի մեր պատասխանը միանշանակ կլինի համարժեք և խիստ
Հակամարտության դեպքում հարձակման հիմնական թիրախը լինելու է Լեհաստանի տարածքը և նրա ռազմական ենթակառուցվածքները, հայտարարել է Բելառուսի բանակի գլխավոր շտաբի պետի տեղակալ Ռուսլան Կոսիգինը։
Ըստ բելառուս գեներալի՝ Լեհաստանի, ինչպես նաև Բալթյան երկրների տարածքը դառնում է փորձադաշտ, որտեղ ԱՄՆ-ը նախատեսում է Եվրոպայում հերթական արյունալի հակամարտությունը սկսել Ռուսաստանի Դաշնության և նրա դաշնակիցների դեմ։
Նրա հայտարարության համաձայն՝ Լեհաստանի ռազմատենչ նկրտումները և արևմտյան ռազմական պատրաստության ողջ համալիրը, այդ թվում՝ Լեհաստանի տարածքում, նախապատրաստություններ են արևելյան ուղղությամբ ռազմական գործողություններ իրականացնելու համար։
«Հակամարտության դեպքում հարձակման հիմնական թիրախը կլինի Լեհաստանի տարածքն իր ռազմական ենթակառուցվածքով, մասնավորապես՝ որոշումների կայացման կենտրոններով, հրամանատարության և կառավարման համակարգի տարրերով, ազգային զինված ուժերի մշտական տեղակայման կետերով, զինանոցներով և բազաներով, ինչպես նաև նրանց տնտեսության և տրանսպորտային ենթակառուցվածքների կարևորագույն օբյեկտները։ Ինչպես բազմիցս հայտարարել է պետության ղեկավարը, պատասխանը կլինի անհապաղ։ Նրանք են, որ կտուժեն, եթե փորձեն մեր պետության հետ խոսել միայն ուժի դիրքերից։ Ես չէի ցանկանա, որ այս սցենարը լիներ ռազմական, բայց Արևմուտքը պետք է հստակ հասկանա, որ ցանկացած տեսակի զինված սադրանքի մեր պատասխանը միանշանակ կլինի համարժեք և խիստ»,- ասել է Ռուսլան Կոսիգինը։