BBC. Ռուսաստանն այս տարվա մարտից ավելի քան մեկ միլիոն բարել նավթ է մատակարարել Հյուսիսային Կորեային
Ռուսաստանն այս տարվա մարտից ավելի քան մեկ միլիոն բարել նավթ է մատակարարել Հյուսիսային Կորեային։
Մեծ Բրիտանիայում գործող «Open Source Centre» հետազոտական կազմակերպությունը հրապարակում է համապատասխան տեղեկատվություն արբանյակային պատկերների վերլուծության հիման վրա։
Ինչպես «BBC»-ին հայտնել են Մեծ Բրիտանիայի արտաքին գործերի նախարար Դևիդ Լեմմին և առաջատար փորձագետները, այս նավթը Փհենյանի կողմից Մոսկվա ուղարկված զենքի և զորքերի գինն է՝ Ուկրաինայի դեմ պատերազմ մղելու համար:
Հյուսիսային Կորեային նավթի մատակարարումը խախտում է ՄԱԿ-ի պատժամիջոցները, որոնք սահմանափակում են նավթի վաճառքը այս երկրին և որոնք սահմանվել են նրա միջուկային ծրագրի վրա։
Հյուսիսային Կորեան աշխարհում միակ երկիրն է, որին արգելված է նավթ գնել բաց շուկայից։ Այն կարող է տարեկան գնել ընդամենը 500 հազար բարել նավթ, ինչը իրեն անհրաժեշտից քիչ է։
Արբանյակային պատկերների համաձայն՝ ավելի քան 10 հյուսիսկորեական նավթատար նավեր 43 անգամ այցելել են ռուսական Հեռավոր Արևելքի նավթային տերմինալ վերջին ութ ամսվա ընթացքում։
«Մինչ Կիմ Չեն Ընը Վլադիմիր Պուտինին փրկօղակ է տրամադրում պատերազմը շարունակելու համար, Ռուսաստանը լուռ ապահովում է Հյուսիսային Կորեային սեփական փրկօղակը։ Նավթի այս կայուն հոսքը Հյուսիսային Կորեային ապահովում է կայունության այնպիսի մակարդակ, որը չէր տեսել պատժամիջոցների սահմանումից ի վեր»,- «BBC»-ին ասել է «Open Source Centre» կենտրոնի ներկայացուցիչ Ջո Բիրնը: