Սոցիալապես անապահով ընտանիքները ներխուժել են Բաթումիի, Ջավախիշվիլի փողոցում գտնվող «Էժան տուն» նախագծի շրջանակներում կառուցված շենքեր:

Ինչպես ասում են այդ մարդիկ, նրանք անօթևան են, տարիներ շարունակ ապրում են վարձով, նրանց տնտեսական վիճակը վատթարանացել է, նրանք չեն կարող վճարել իրենց վարձավճարը և մնում են բաց երկնքի տակ:

«Երեք ամիս է չեմ կարողանում վարձը վճարել, ուր գնամ, ողորմություն եմ խնդրում, ամաչում եմ, բայց ի՞նչ կարող եմ անել, այլ տարբերակ չունեմ, կենդանի չեմ հեռանա այստեղից, կայրեմ ինձ», – ասում է Գոգուցա Բերիաշվիլին:

Տեղում կենտրոնացված է ոստիկանությունը, ինչպես նաև Բաթումիի քաղաքապետարանի քաղաքային տեսչության աշխատակիցները:

«Էժան տունը» Բաթումիի քաղաքապետարանի նախագիծ է: Շենքերը կառուցվել են բյուջեի ֆինանսավորմամբ և պետք է բազմամյա մարման իրավունքով փոխանցվեն այն ընտանիքներին, ովքեր տարիներ շարունակ ապրում են Բաթումիում, չունեն իրենց բնակավայրը և ունեն որոշակի եկամուտ, որով կարող են ամեն ամիս որոշակի գումար վճարելով  գնել այդ բնակարանները: