Բաթումիի և Քոբուլեթիի ավտոպարկերին ավելացել է 18 միավոր նոր, ժամանակակից ստանդարտների ավտոբուս։

Աջարիայի ինքնավար հանրապետության կառավարության նախագահ Սուլխան Թամազաշվիլին, վարչական միավորների ղեկավարների հետ միասին, զննել է նոր ավտոբուսները։ Սուլխան Թամազաշվիլին նշել է, որ տարածաշրջանում հասարակական տրանսպորտի զարգացումը կառավարության գլխավոր առաջնահերթություններից է։

«Աջարիայում հասարակական տրանսպորտի զարգացումը մեր գլխավոր առաջնահերթություններից մեկն է։ Հենց այդ նպատակով Բաթումիի և Քոբուլեթիի մունիցիպալ ավտոպարկերին փոխանցվել է 18 նոր ավտոբուս։ Իհարկե, թարմացված ավտոպարկը մեր քաղաքացիների համար կապահովի ավելի հարմարավետ և անվտանգ տեղաշարժ։ Ընդհանուր առմամբ, տրանսպորտային համակարգի զարգացումը մեր երկարաժամկետ ռազմավարության մասն է։ Փուլ առ փուլ կթարմացնենք ենթակառուցվածքները և կապահովենք ժամանակակից ստանդարտների մունիցիպալ տրանսպորտ տարածաշրջանում», – հայտարարել է Թամազաշվիլին։

Ավտոպարկի թարմացման մանրամասները.

Բաթումի: Ավելացվել է 10 միավոր 12-մետրանոց ավտոբուս։ Յուրաքանչյուրը նախատեսված է միաժամանակ մինչև 110 ուղևորի սպասարկելու համար։

Քոբուլեթի: Ավելացվել է 8 միավոր ավտոբուս, որոնք նախատեսված են 32 ուղևորի համար։