Բաշկիրիայում Wildberries լոգիստիկական օբյեկտում հրդեհ է բռնկվել
Ռուսաստանում, Բաշկիրիայի Հանրապետությունում գտնվող Wildberries լոգիստիկական օբյեկտում ավիահարվածից հետո հրդեհ է բռնկվել։ Ընկերությունը հայտնել է, որ օբյեկտը դատարկ է, և աշխատակիցները նախապես տարհանվել են։
«Բաշկիրիայի արդյունաբերական գոտում հրդեհ է բռնկվել ավիահարվածի հետևանքով։ Հրշեջները աշխատում են դեպքի վայրում», – ասվում է հայտարարության մեջ։
Բի Բի Սի-ի փոխանցմամբ՝ սա Wildberries-ի պահեստներում հուլիսի 18-ից ի վեր բռնկված 18-րդ հրդեհն է։ Այս ընթացքում Ուկրաինան սկսել է հարձակվել ռուսական լոգիստիկ օբյեկտների վրա և պնդել, որ ընկերությունը վաճառում է ռազմական ապրանքներ։
Բացի այդ, ուկրաինական կողմը նույնպես հաղորդում է հարձակման մասին։ Ուկրաինայի ռազմաօդային ուժերի տվյալներով՝ ռուսական ուժերը գիշերը Ուկրաինայի վրա 133 անօդաչու թռչող սարքերով հարված են հասցրել։ Դրանցից 111-ը խփվել կամ ոչնչացվել են։
Ուկրաինացի զինվորականների տվյալներով՝ հարվածներ են գրանցվել 15 վայրերում։
Նաև հաղորդվել է, որ ռուսական ուժերը հարձակվել են նաև Օդեսայի մարզի Իզմայիլ շրջանի նավահանգստային ենթակառուցվածքների վրա՝ պատճառելով վնաս և հրդեհ։