Բագեբիում սպանության վայրում ընթանում են քննչական գործողություններ
Բագեբիում սպանության վայրում ընթանում են քննչական գործողություններ

Իրավապահները դեռ մոբիլիզացված են Թբիլիսիում, Ծղնեթի մայրուղու վրա, որտեղ ժամեր առաջ սպանություն էր տեղի ունեցել։ Տեղում կատարվում են քննչական գործողություններ։

Ըստ առկա տեղեկությունների՝ սպանվել է գործարար Լեւան Կաճարավան (մականունը՝ «Թիլիկա»)։ Լեւան Կաճարավան Վրաստանում մի քանի ընկերությունների բաժնետեր էր։

Ինչպես հայտնում է Առաջին ալիքի լրագրողը, դեպքի վայրն ու շրջակայքը ոստիկանները շրջափակել են դեղին ժապավենով։ Դեպքի վայրում է եղել ավտոմեքենան, որով երթեւեկել է Լեւան Կաճարավան։ Կաճարավան Toyota մակնիշի մեքենայով Թբիլիսիից Ծղնեթի էր ուղեւորվում։ Դեպքի հետևանքով Կաճարավայի վարորդը չի տուժել, և նա հարցաքննվում է ոստիկանությունում։

Վրաստանի առաջին ալիքին ՆԳՆ-ից հայտնել են, որ սպանությունը հետաքննվում է Քրեական օրենսգրքի 108-րդ և 236-րդ հոդվածներով, որոնք նախատեսում են դիտավորյալ սպանություն և զենք-զինամթերքի ապօրինի գնում, պահում և կրում։

Թողնել մեկնաբանություն