Բաթումիում տեղի ունեցած պայթյունից տուժած յոթ մարդուց չորսը մնում են հիվանդանոցում
Բաթումիում, Ախվլեդիանիի փողոցում տեղի ունեցած պայթյունի հետևանքով տուժած յոթ մարդուց երեքը արդեն լքել են բուժհիմնարկը: Բժիշկների վերահսկողության տակ մնում է չորս մարդ, այդ թվում երկու երեխա:
«Համեմատաբար ծանր վիճակում գտնվող կնոջ մոտ գլխուղեղի վնասվածք չենք հայտնաբերել, նա ունի կոտրվածքներ և 10 տոկոսանոց այրվածք: Նա գտնվում է բժիշկների հսկողության ներքո և առողջական վիճակը կարելի է գնահատել կայուն»,- ասել է Աջարիայի ինքնավար հանրապետության առողջապահության նախարար Զաալ Միքելաձեն:
Պայթյունի հետևանքով տուժած 9 ընտանիքի Բաթումիի քաղաքապետարանը տեղափոխել է հյուրանոց: Այս պահին անհայտ է վնասի ստույգ քանակը:
Երեք հարկանի շենքից բացի լուրջ վնասվել են հարևանությամբ գտնվող շինությունները և բակում գտնվող ավտոմեքենաները:
Հիշեցնենք, Բաթումիի Ջինճարաձեի փողոցում բնակելի տանը պայթյունը տեղի է ունեցել մի քանի ժամ առաջ:
Հեղինակ -
Edgar Barsegyan